Հաշվապահություն և ֆինանսներ

Հետևեք Մեզ

Հաշվապահություն և ֆինանսներ

Մեր փաստաբանական գրասենյակը հաշվապահական ծառայություններ է մատուցում տարբեր ոլորտներում գործունեություն ծավալող իրավաբանական անձանց համար Երևանում և Հայաստանի այլ քաղաքներում:

Մենք առաջարկում ենք մշտական հաշվապահական սպասարկում ինչպես բաց և փակ բաժնետիրական ընկերությունների, սահմանափակ պատասխանատվությամբ ընկերությունների, արտադրական կոոպերատիվների համար, այնպես էլ հիմնադրամների և հասարակական կազմակերպությունների համար: Ընկերությունում հաշվապահական ծառայությունների ոլորտը համակարգում են գլխավոր հաշվապահ Սուսաննա Փամբուխչյանը և ֆինասական հարցերով խորհրդատու Վիգեն Մալխասյանը։

Բիզնեսի հաշվապահական սպասարկման շրջանակներում, մասնավորապես, մատուցվում են հետևյալ ծառայությունները՝

Կազմակերպության գրանցում, խորհրդատվություն հարկատեսակի ընտրության հարցում, հաշվետվությունների կազմում և ներկայացում համապատասխան մարմիններին, հարկերի վճարման վերահսկում, աշխատավարձերի հաշվվում և վճարման գործընթացի կազմակերպում։
Ներմուծման և արտահանման փաստաթղթերի կազմում, ներմուծման արդյունքում առաջացած ԱԱՀ-ի վերադարձի համար նախատեսված հաշվետվության ներկայացում, հարկային մարմինների կողմից բացված ստուգումների ժամանակ համապատասխան փաստաթղթերի ներկայացում։
Շահաբաժնի հաշվարկման և վճարման գործընթացի կազմակերպում։
Աշխատանքային պայմանագրերի մշակում և կազմում, աշխատանքային պայմանագրերի դադարեցման կամ պայմանագրի փոփոխության գործընթացի հաշվապահական կազմակերպում, աշխատանքային վեճերի կարգավորում և աշխատանքային իրավունքի ոլորտին առնչվող այլ ծառայությունների մատուցում։
Հարկային մարմինների հետ ունեցած վեճերի կարգավորում։

Կորպորատիվ հաճախորդների համար երկարաժամկետ պայմանագրով հաշվապահական ծառայություններ մատուցելու դեպքում՝ դրանք մատուցվում են էապես նվազեցված/զեղչված գնացուցակով:

Մեր փաստաբանները և հաշվապահները բիզնես գործունեություն նախաձեռնող ընկերության պատվերով, նախապես իրավաբանական ուսումնասիրություն են կատարում նախապատրաստվող բիզնես գործունեության վերաբերյալ, ինչը հնարավորություն է տալիս կանխավ հաշվարկել, թե ինչ հարկային և մաքսային պարտավորություններ կարող են առաջանալ գործարարի կողմից նախապատրաստվող գործունեության արդյունքում, ինչ հարկեր, տուրքեր և պարտադիր այլ վճարներ կարող են սպասել գործարարին: Մենք գնահատական ենք տալիս նաև հարկային մարմնի կողմից արդեն իսկ հաշվարկված հարկային, մաքսային պարտավորությունների, կիրառված տույժերի և տուգանքների վերաբերյալ՝ գնահատելով դատարանում վիճարկելու դեպքում դրանց հաղթանակի հավանականությունը:

Քանի որ մեր գրասենյակի փաստաբաններ Գուրգեն Ներսիսյանը, Մհեր Ղազարյանը, Վահե Մնացականյանը, Էդգար Այվազյանը հարուստ փորձառություն ունեն ինչպես վարչական, այնպես էլ քրեական գործերով, ուստի գրասենյակը հարկային և մաքսային ոլորտում կարողանում է արդյունավետ ներկայացնել վստահորդների շահերը, անկախ այն հանգամանքից՝ վարչական թե քրեական գործիքներ են կիրառվում իրավասու պետական մարմնի կողմից:

Այս առումով պետք է նշել, որ, ցավոք, լինում են դեպքեր, երբ ակնհայտ վարչական գործը պետական իրավասու մարմինները արհեստականորեն քրեականացնում են, որպեսզի քրեաիրավական ներգործության մեթոդներով փորձեն ներազդել հարկային ենթադրյալ պարտավորություն ունեցող սուբյեկտի վրա: Պետական մարմինների կողմից նման գործելաձևն անընդունելի համարելով՝ մեր գրասենյակը իրավական պայքար է մղում նման երևույթների դեմ՝ համապատասխան բողոքներ ներկայացնելով Հայաստանի Հանրապետությունում գործող վարչական և քրեական գործեր քննող դատարաններ: Հայաստանի Հանրապետության դատական համակարգը, այս առումով, խախտված իրավունքները վերականգնելու բավականին արդյունավետ միջոց է:

Մասնագետներ

Սուսաննա Փամբուխչյան

Գլխավոր հաշվապահ

Վիգեն Մալխասյան

Ֆինանսական խորհրդատու

Վերջին առնչվող գործեր

Ազատ գյուղում զինվորական կացարանի հրդեհի և զինծառայողների մահվան դեպքի վերաբերյալ քրեական գործով զորամասի հրամանատարի թիկունքի գծով տեղակալ Գոռ Աղեկյանի նկատմամբ ընտրված խափանման միջոց կալանքը դատարանի կողմից փոփոխվեց, և մեղադրյալը ազատ արձակվեց դատարանի դահլիճից:

Խմբով սպանություն կատարելու մեջ մեղադրվող երկու մեղադրյալներից մեկի մեղադրանքը մերժվեց, մյուսի մեղադրանքը ծանրացուցիչ հանգամանքներով սպանությունից փոխվեց հասարակ սպանության, իսկ ավելի քան երկու տարի անազատության մեջ գտնվող մեղադրյալը ազատվեց արգելանքից:

ՀՀ հակակոռուպցիոն դատարանը մերժեց մեր վստահորդի նկատմամբ ներկայացված կալանավորման միջնորդությունը

Ծանր հանցագործության մեջ մեղադրվող մեր վստահորդ Ա.Շ.-ի նկատմամբ քրեական վարույթը կարճվեց արդարացման հիմքով

Հաճախ Տրվող Հարցեր

Ինչպե՞ս կարող եք առանձնացնել բաժնային սեփականության գույքում Ձեր բաժնեմասը:

Բաժնային սեփականության մասնակիցների միջև ընդհանուր գույքը կարող է բաժանվել բաժինն առանձնացնելու եղանակի և պայմանների մասին բաժնետերերի համաձայնությամբ կամ համաձայնության բացակայության դեպքում` դատական կարգով: Առանձնացող սեփականատերը բաժնային սեփականության մյուս մասնակիցներից կարող է պահանջել վճարելու իր բաժնի արժեքը: Բաժնային սեփականության մասնակցի բաժինը բնեղենով առանձնացնելու փոխարեն մյուս սեփականատերերը կարող են այդ մասնակցի համաձայնությամբ նրան փոխհատուցում վճարել: Ընդհանուր գույքը բաժանելու կամ դրանից բաժին առանձնացնելու ակնհայտ աննպատակահարմարության դեպքում դատարանն իրավունք ունի վճիռ կայացնել գույքը հրապարակային սակարկություններով վաճառելու մասին` ստացված գումարը հետագայում բաշխելով ընդհանուր սեփականության մասնակիցների միջև` նրանց բաժիններին համաչափ: Համասեփականատերերի միջև համատեղ գույքը կարող է բաժանվել նրանց համաձայնությամբ, իսկ համաձայնության բացակայության դեպքում` դատական կարգով:

Ո՞ր գույքն է համարվում ամուսինների համատեղ սեփականություն և ո՞ր գույքն է ենթակա բաժանման ամուսնալուծության դեպքում: Ամուսինների համատեղ սեփականության գույքը կարո՞ղ է արդյոք բռնագանձվել ամուսիններից մեկի պարտավորության դիմաց:

Ամուսնության ընթացքում ամուսինների ձեռք բերած գույքը նրանց համատեղ սեփականությունն է, եթե այլ բան նախատեսված չէ օրենքով կամ նրանց միջև կնքված պայմանագրով: Մինչև ամուսնությունն ամուսիններից յուրաքանչյուրի գույքը, ինչպես նաև ամուսնության ընթացքում ամուսիններից մեկի նվեր կամ ժառանգություն ստացած գույքը նրա սեփականությունն է: Ամուսիններից յուրաքանչյուրի գույքը կարող է ճանաչվել նրանց համատեղ սեփականություն, եթե պարզվի, որ ամուսնության ընթացքում ամուսինների ընդհանուր գույքի կամ մյուս ամուսնու անձնական գույքի հաշվին կատարվել են ներդրումներ, որոնք նշանակալի չափով ավելացրել են այդ գույքի արժեքը (հիմնական վերանորոգում, վերակառուցում, վերասարքավորում և այլն), եթե այլ բան նախատեսված չէ ամուսինների միջև կնքված պայմանագրով: Ամուսիններից մեկի պարտավորությունների համար կարող է բռնագանձում տարածվել նրա սեփականության ներքո գտնվող գույքի, ինչպես նաև ամուսինների ընդհանուր գույքում նրա բաժնի վրա: Ամուսնալուծության դեպքում ամուսիների միջև բաժանման ենթակա է միայն համատեղ սեփականություն հանդիսացող գույքը:

Ի՞նչ իրավունքներ ունի արդարացված մեղադրյալը և ո՞ր վնասներն են ենթակա հատուցման պետության կողմից:

Արդարացված մեղադրյալն իրավունք ունի պահանջելու անօրինական քրեական հետապնդում հարուցելու, հարկադրանքի միջոցներ կիրառելու, դատապարտելու, ինչպես նաև իրավունքների կամ ազատությունների անօրինական այլ սահմանափակումների հետևանքով իրեն պատճառված վնասի հատուցում: Արդարացված մեղադրյալը որպես հատուցում իրավունք ունի ստանալու` 1) աշխատավարձը, թոշակը, նպաստը կամ այլ եկամուտը, որից նա զրկվել է. 2) գույքն առգրավելու, արգելադրելու, բռնագրավելու կամ այլ կերպ տնօրինելու հետևանքով պատճառված վնասը. 3) անազատության մեջ գտնվելու հետևանքով ծախսված գումարը․ 4) փաստաբանին վճարված գումարը․ 5) վճարված վարութային ծախսերը։ Արդարացված մեղադրյալի պահանջով քրեական հետապնդում հարուցած մարմինը պարտավոր է հրապարակային ներողություն հայցել նրանից: Հատուցման ենթակա է նաև ոչ նյութական վնասը՝ անկախ հատուցման ենթակա գույքային վնասից և անկախ վնաս պատճառելիս պաշտոնատար անձի մեղքի առկայությունից:

Ինչ անել, եթե ապօրինի ազատվել եք աշխատանքից: Ինչպես պաշտպանել աշխատանքային իրավունքները:

Հայաստանի Հանրապետությունում պաշտպանվում են ինչպես գործատուի, այնպես էլ աշխատողի իրավունքները: Եթե ձեզ հայտնել են գործատուի նախաձեռնությամբ աշխատանքից ազատելու մասին, ապա նախ պահանջեք աշխատանքային իրավահարաբերությունը դադարեցնելու մասին անհատական ակտը: Քանի դեռ աշխատանքից ազատելու մասին անհատական ակտը սահմանված կարգով ձեզ չի տրամադրվել, աշխատանքային հարաբերությունները դադարեցված չեն համարվում: Աշխատանքային օրենսդրությունը և աշխատանքային իրավահարաբերությունները կարգավորող այլ նորմատիվ իրավական ակտերը սահմանում են աշխատանքային իրավահարաբերությունների դադարեցման հատուկ ընթացակարգ, որոնց պահպանված չլինելը կամ որոնց ընթացքում գործատուի կողմից թույլ տրված խախտումները կարող են հիմք ծառայել աշխատանքային իրավահարաբերությունը դադարեցնելու գործընթացը ապօրինի ճանաչելու համար: Ձեր աշխատանքային իրավունքները պաշտպանելու համար նման իրավիճակներում խորհրդակցեք աշխատանքային իրավահարաբերությունների մասնագետ փաստաբանի հետ: Հիշեք, օրենսդրությամբ սահմանված են աշխատանքային իրավունքների վարչական և դատական պաշտպանության համար դիմելու ժամկետներ, որոնք առանց հարգելի պատճառների բաց թողնելը կարող է զրկել ձեզ իրավունքի պաշտպանության հնարավորությունից:

Ինչ անել, եթե համաձայն չեք ապահովագրական հատուցման գումարի չափի կամ ԱՊՊԱ կազմակերպության կողմից նախաձեռնված փորձաքննությունների եզրակացությունների հետ:

Ապահովագրական պատահարի դեպքում պարտադիր պետք է պատահարի մասին հայտնել ապահովագրական ընկերությանը: Պետք է հետևել, որ ապահովագրական ընկերության կողմից նախաձեռնված փորձաքննությունների կատարման համար փորձագետներին ներկայացվեն բոլոր ելակետային տվյալները: Առաջնային փորձաքննության եզրակացության հետ համաձայն չլինելու դեպքում կարող է անցկացվել լրացուցիչ և կամ կրկնակի փորձաքննություն: Ապահովագրական հատուցում վճարելու կամ վճարումը մերժելու մասին որոշումները կարող են վիճարկվել նաև դատական կարգով:

Ինչ անել, եթե ՀՀ պետական սահմանին սահմանային վերահսկողություն իրականացնող մարմինները սահմանափակել են ձեր տեղաշարժը կամ արձանագրել են պետական սահմանի հատման կանոնների խախտում:

ՀՀ պետական սահմանի հատման օրինականությունն ապահովելու նպատակով իրականացվում է վերահսկողություն՝ ա) դիտարկման օպտիկական սարքերի ու հատուկ տեխնիկական միջոցների կիրառմամբ անցման կետերում վերահսկողություն սահմանելու և ապահովելու նպատակով. բ) փաստաթղթերի ստուգման միջոցով անձի ինքնությունը և պետական սահմանը հատելու իրավունքը հաստատելու նպատակով. գ) պետական սահմանը հատող օդանավերի, թռչող այլ սարքերի ու տրանսպորտային միջոցների զննության նպատակով. դ) պետական սահմանով տեղափոխվող կենդանիների, բեռների և այլ գույքի զննություն կատարելու, պետական սահմանն ապօրինի հատման փորձ կատարող անձանց հայտնաբերելու նպատակով: Վերահսկողության ընթացքում խախտումներ հայտնաբերելու դեպքում իրավախախտը կարող է կանչվել վարչական կամ քրեական պատասխանատվության: Իրավախախտման դեպք արձանագրվելու դեպքում անհրաժեշտ է նախապես հրավիրել փաստաբան, առանց փաստաբանի հրաժարվել ցուցմունքներ տալուց, փաստաթղթեր տրամադրելուց, առարկաներ ներկայացնելուց: Օտարերկրյա քաղաքացի լինելու դեպքում պահանջել՝ դեպքի մասին հաղորդել իր քաղաքացիության երկրի հյուպատոսական ներկայացուցչության մարմիններին:

Ի՞նչ ընթացակարգով է վիճարկվում պետական եկամուտների կոմիտեի ստորաբաժանումների կողմից կատարված հարկային ստուգման արդյունքները:

Հարկային ստուգման արդյունքները տնտեսվարող սուբյեկտի կողմից կարող է բողոքարկվել ինչպես վերադասության կարգով, այնպես էլ վարչական դատարան: Բողոքները վերադասության կարգով քննության են առնվում, և դրանց վերաբերյալ որոշումներն ընդունվում են ոչ ուշ, քան բողոքը ստացվելու օրվանից 30 օրացուցային օրվա ընթացքում: Նշված ժամկետում բողոքի վերաբերյալ պատասխան չտրվելու դեպքում բողոքում բերված փաստարկները համարվում են ընդունված:

Ովքե՞ր կարող են լինել ժառանգ և որոնք են ժառանգության ընդունման եղանակները:

Ժառանգությունը կատարվում է ըստ օրենքի և ըստ կտակի: Ըստ կտակի և ըստ օրենքի ժառանգներ կարող են լինել ժառանգության բացման օրը կենդանի, ինչպես նաև ժառանգատուի կենդանության ժամանակ սաղմնավորված և ժառանգությունը բացվելուց հետո կենդանի ծնված քաղաքացիները: Ըստ կտակի ժառանգներ կարող են լինել ժառանգության բացման օրը գոյություն ունեցող իրավաբանական անձինք, Հայաստանի Հանրապետությունը և համայնքները, ինչպես նաև օտարերկրյա պետություններն ու միջազգային կազմակերպությունները: Ժառանգության բացման ժամանակ պարտադիր բաժնի իրավունք ունեն ժառանգատուի անչափահաս երեխաները, ինչպես նաև օրենքով սահմանված կարգով հաշմանդամ կամ անգործունակ ճանաչված կամ 60 տարեկան դարձած ժառանգատուի երեխաները, ամուսինը և ծնողները՝ անկախ կտակի բովանդակությունից: Առաջին հերթի ժառանգներն են ժառանգատուի երեխաները, ամուսինը և ծնողները: Ժառանգատուի թոռները ժառանգում են ներկայացման իրավունքով: Երկրորդ հերթի ժառանգներն են ժառանգատուի հարազատ, համահայր կամ համամայր եղբայրները և քույրերը: Ժառանգատուի եղբայրների և քույրերի երեխաները ժառանգում են ներկայացման իրավունքով: Երրորդ հերթի ժառանգներն են ժառանգատուի ինչպես հայրական, այնպես էլ մայրական կողմի պապը և տատը: Չորրորդ հերթի ժառանգներն են ժառանգատուի ծնողների եղբայրները և քույրերը (հորեղբայրները, հորաքույրները, քեռիները, մորաքույրները): Ժառանգատուի հորեղբայրների և հորաքույրների ու քեռիների և մորաքույրների երեխաները ժառանգում են ներկայացման իրավունքով: Ըստ օրենքի ժառանգների թվին են պատկանում այն անաշխատունակ անձինք, ովքեր մինչև ժառանգատուի մահն առնվազն մեկ տարի գտնվել են նրա խնամքի ներքո: Ըստ օրենքի այլ ժառանգների առկայության դեպքում նրանք ժառանգում են այն հերթի ժառանգների հետ միասին, որը ժառանգության է հրավիրվում: Ժառանգությունը ձեռք բերելու համար ժառանգը պետք է այն ընդունի: Ժառանգի կողմից ժառանգության մի մասի ընդունումը նշանակում է իրեն հասանելիք ամբողջ ժառանգության ընդունում, անկախ այն բանից, թե ինչ է այն իրենից ներկայացնում և որտեղ է գտնվում: Ժառանգությունն ընդունվում է ժառանգությունն ընդունելու կամ ժառանգական իրավունքի վկայագիր ստանալու մասին ժառանգի դիմումը ժառանգության բացման վայրի նոտարին հանձնելով: Եթե այլ բան ապացուցված չէ, ապա ժառանգությունը ժառանգի կողմից ընդունված է համարվում, երբ նա սկսում է փաստացի տիրապետել կամ կառավարել ժառանգված գույքը` ներառյալ, երբ ժառանգը` 1) միջոցներ է ձեռնարկել գույքը պահպանելու և այն երրորդ անձանց ոտնձգություններից կամ հավակնություններից պաշտպանելու համար. 2) իր հաշվին կատարել է գույքը պահպանելու ծախսեր. 3) իր հաշվից վճարել է ժառանգատուի պարտքերը կամ երրորդ անձանցից ստացել է ժառանգատուին հասանելիք գումարները: Ժառանգությունը կարող է ընդունվել ժառանգության բացման օրվանից վեց ամսվա ընթացքում: Ժառանգը կարող է առանց դատարան դիմելու ժառանգությունն ընդունել այն ընդունելու համար սահմանված ժամկետի ավարտից հետո, եթե առկա է ժառանգությունն ընդունած մնացած բոլոր ժառանգների համաձայնությունը:

How can you separate your share in shared property?

The common property between the participants of shared property can be divided by agreement between the shareholders on the means and conditions for separating the share, or in the absence of an agreement - by court order. The separating owner can demand that the other participants of the shared property pay the value of his share. Instead of separating the participant's share in shared ownership in-kind, the other owners can pay compensation to that participant with the consent of that participant. In case of the obvious inexpediency of dividing the common property or separating a share from it, the court may rule on selling the property at public auction and subsequently distributing the proceeds among the participants of common ownership in proportion to their shares. The joint property can be divided between co-owners by their agreement, or in the absence of an agreement - by court order.

What property is considered joint property of spouses and what property is subject to division in case of divorce? Can the joint property of spouses be seized for the obligation of one of the spouses?

The property acquired by the spouses during a marriage is their joint property unless otherwise provided by law or by an agreement signed between them. The property of each spouse before marriage, as well as the property received by one of the spouses as a gift or inheritance during the marriage, is their property. The property of each spouse may be recognized as their joint property if it is found that investments were made during the marriage from the common property of the spouses or the personal property of the other spouse, which significantly increased the value of that property (major repairs, reconstruction, re-equipment, etc.) unless otherwise provided by an agreement signed between the spouses. The obligations of one of the spouses may be subject to seizure of the property owned by them, as well as his/her share in the common property of the spouses. In case of divorce, only joint property is subject to division between the spouses.

What rights does an acquitted defendant have and what damages are subject to compensation by the state?

An acquitted defendant has the right to demand compensation for damage caused by illegal criminal prosecution, application of coercive measures, conviction, as well as other illegal restrictions on rights or freedoms. As compensation, the acquitted defendant has the right to receive: 1. The salary, pension, allowance, or other income he was deprived of. 2. The damage caused by seizure, arrest, confiscation, or other disposal of property. 3. The expenses incurred as a result of being in custody. 4. The fee paid to a lawyer. 5. The paid procedural costs. At the request of the acquitted defendant, the body that initiated the criminal prosecution must present public apologies to him/her. Non-pecuniary damage is also subject to compensation, regardless of the pecuniary damage subject to compensation and regardless of the guilt of an official in causing the damage.

What to do if you are illegally dismissed from work? How to protect labor rights?

The rights of both the employer and the employee are protected in the Republic of Armenia. If you have been notified of dismissal from work on the employer’s initiative, first demand an individual act on termination of the employment relationship. The employment relationship is not considered terminated until the individual act on your dismissal is provided to you in the prescribed manner. Labor legislation and other normative legal acts regulating labor relations establish a special procedure for terminating employment relations, non-compliance with which or violations committed by the employer during the process may serve as grounds for declaring the termination of the employment relationship illegal. To protect your labor rights in such situations, consult with a labor relations lawyer. Remember, the legislation establishes deadlines for administrative and judicial protection of labor rights, failure to meet them without a valid reason may deprive you of the opportunity to protect your rights.

Հաշվապահություն և ֆինանսներ

Արտասահմանյան ընկերությունը կկարողանա իրացնել իր դատական պաշտպանության իրավունքը ՀՀ-ում

Խարդախության զոհ. Իրավական լուծումներ և խորհուրդներ