Խմբով սպանություն կատարելու մեջ մեղադրվող երկու մեղադրյալներից մեկի մեղադրանքը մերժվեց, մյուսի մեղադրանքը ծանրացուցիչ հանգամանքներով սպանությունից փոխվեց հասարակ սպանության, իսկ ավելի քան երկու տարի անազատության մեջ գտնվող մեղադրյալը ազատվեց արգելանքից:

2020թ.-ից ՀՀ Կոտայքի մարզի առաջին ատյանի ընդհանուր իրավասության քրեական դատարանում քննվում է մեր վստահորդներ Ա.Ա.-ի և Ա.Ս.Ա-ի կողմից խմբով սպանություն կատարելու և խմբով զենք ու զինամթերք ձեռք բերելու, պահելու ենթադրյալ հանցանքների կապակցությամբ հարուցված քրեական գործը՝ նախատեսված 2003թ. ընդունված ՀՀ քրեական օրենսգրքի 104-րդ հոդվածի 2-րդ մասի 7-րդ կետով և 235-րդ հոդվածի 2-րդ մասով: Մեղադրյալներից Ա.Ա.-ն անազատության մեջ է ավելի քան 5 տարի, իսկ Ա.Ս.Ա-ն՝ ավելի քան 2 տարի:

14.05.2024թ. ՀՀ Հակակոռուպցիոն կոմիտեում քրեական վարույթ էր նախաձեռնվել նախկին բարձրաստիճան պաշտոնատար անձի կողմից պաշտոնեական լիազորությունների անցման ու դրանցով համայնքին էական գույքային վնաս պատճառելու ենթադրյալ հանցավոր դեպքերի կապակցությամբ:

«LSA» փաստաբանական գրասենյակը ՀՀ քննչական կոմիտեում քննվող քրեական վարույթով Ա.Դ.-ի նկատմամբ կալանքը որպես խափանման միջոց ընտրելու, կալանքի տակ պահելու ժամկետը ապօրինի երկարացնելու և այդ վարույթի շրջանակում արձանագրված իրավական մյուս խնդիրներին անդրադարձել էր դեռևս 26.04.2024թ.

«LSA» փաստաբանական գրասենյակի փաստաբան Գուրգեն Ներսիսյանը վերջին ամիսներին ստանձնել էր 2023թ. հունվարի 19-ին ՀՀ Գեղարքունիքի մարզի Ազատ գյուղում տեղակայված «զինվորական կացարանում» հրդեհի հետևանքով զինծառայողների մահվան դեպքի կապակցությամբ հարուցված քրեական գործով մեղադրյալ, N զորամասի հրամանատարի թիկունքի գծով տեղակալ Գոռ Աղեկյանի պաշտպանությունը:

2023թ. դեկտեմբեր ամսին ՀՀ գլխավոր դատախազության ապօրինի ծագում ունեցող գույքի բռնագանձման վարչությունում ավարտվել էր ՀՀ քաղաքացի Ռ.Խ.-ի և նրա ընտանիքի անդամներին պատկանող գույքի օրինականության ուսումնասիրության գործընթացը և ուսումնասիրությամբ հայտնաբերված՝ ենթադրաբար ապօրինի ծագում ունեցող գույքը բռնագանձելու հայցապահանջ էր ներկայացվել ՀՀ հակակոռուպցիոն դատարան: