Քաղաքացիական գործ

«Էլ Էս Էյ» իրավաբանական ընկերությունը ներկայացնում է նաև օտարերկյա իրավաբանական անձանց շահերը ինչպես վեճերի լուծման արտադատական փուլում, այնպես էլ ՝ ՀՀ դատարաններում։ Հերթական անգամ օտարերկյա դատական ակտի ճանաչման և կատարման թույլատրելու վերաբերյալ դիմումը երկու և ավելի անգամ վերադարձվում էր ընդհանուր իրավասության առաջին ատյանի քաղաքացիական դատարանի կողմից՝ ձևական և տեխնիկական բնույթի պահանջներով, որոնք վերաբերում էին օտարերկրյա պետական մարմինների կողմից տրված փաստաթղթերի բովանդակությանը։ Բողոքարկելով ընդհանուր իրավասության առաջին ատյանի քաղաքացիական դատարանի դիմումը վերադարձնելու որոշումը վերաքննության կարգով, ի վերջո գրանցվեց հաջողություն և վերացվեց վերադարձի վերաբերյալ որոշումը։

Փաստաբաններ Տաթևիկ Մալխասյանի և Արսեն Սարդարյանի գրագետ և մանրակրկիտ աշխատանքի շնորհիվ ՀՀ վերաքննիչ քաղաքացիական դատարանը անվավեր ճանաչեց 01.03.2021 թվականին /երկրորդ փուլ մարտի 15-ին/ տեղի ունեցած «Հայաստանի ազգային պոլիտեխնիկական համալսարան» հիմնադրամի ռեկտորի ընտրության արդյունքները: Որպես հետևանք անվավեր ճանաչեց «Հայաստանի ազգային պոլիտեխնիկական համալասարան» հիմնադրամի ռեկտորի ընտրության արդյուքնները հաստատելու մասին» ՀՀ Կառավարության 03.05.2021 թվականի թիվ 703-Ա որոշումը:

«LSA» փաստաբանական գրասենյակի փաստաբան Տաթևիկ Մալխասյանի գրագետ աշխատանքի շնորհիվ «Ռադիո Վան» -ի տնօրեն Շուշանիկ Արևշատյանի դեմ ներկայացված հայցադիմումը մերժվեց: Հայցվոր «Դավս Գրուպ» ՍՊԸ-ն հայցադիմումով պնդել էր, որ Շուշանիկ Արևշատյանն իր ֆեյսբուքյան էջում հրապարակում անելով իբրև թե վնաս է պատճառել Ընկերության գործարար համբավին և Շուշանիկ Արևշատյանից պահանջել էր վճարել 5.000.000 ՀՀ դրամ՝ որպես զրպարտանքի համար փոխհատուցում:

ՀՀ դատաիրավական պրակտիկայում աստիճանաբար ձևավորվել է կայուն պրակտիկա՝ քրեական վարույթով արդարացված անձանց փոխհատուցում տրամադրելու վերաբերյալ: Մոտ երկու տարի առաջ քրեական գործով արդարացված մեր վստահորդ Ռ.Փ.-ն շուրջ 40 օր գտնվել էր կալանքի տակ, մի քանի ամիս կիրառվել էր խափանման միջոց բացակայելու արգելքը, բացի դրանցից՝ նրա տանը կատարվել էր նաև խուզարկություն՝ այդ կերպ սահմանափակելով բնակարանի անձեռնմխելիության նրա իրավունքը:

Մեր փաստաբաններ Տաթևիկ Մալխասյանի և Էդգար Այվազյանի գրագետ աշխատանքի և ջանքերի շնորհիվ 25.09.2024 թվականին ՀՀ Երևան քաղաքի առաջին ատյանի ընդհանուր իրավասության քաղաքացիական դատարանը բավարարեց մեր վստահորդ Ե.Կ.-ի աշխատանքային իրավունքների խախտման վերաբերյալ ներկայացված հայցը:

ՀՀ Երևան քաղաքի առաջին ատյանի ընդհանուր իրավասության քաղաքացիական դատարանը մերժեց մեր վստահորդ Լ.Դ-ի դեմ ներկայացված հայցը՝ ձեռքբերման վաղեմության ուժով գույքի նկատմամբ սեփականության իրավունքը ճանաչելու պահանջի մասին: