Քրեական գործ

Ծանրացուցիչ հանգամանքներում սպանության մեջ մեղադրվող մեր պաշտպանյալ Ա.Ա.-ն ՀՀ Կոտայքի մարզի առաջին ատյանի ընդհանուր իրավասության քրեական դատարանի 23.01.2024թ. որոշմամբ ազատ է արձակվել կալանքից և նրա նկատմամբ ընտրված խափանման միջոց կալանքը փոխարինվել է տնային կալանքով: Դրական է, որ թեկուզ դանդաղ տեմպերով, բայց դատաիրավական համակարգի մշակույթ է ներթափանցում այն կարևորագույն մոտեցումը, որ մեղսագրվող արարքի ծանրությունը ինքնին խոչընդոտ չէ դատական պաշտպանության իրավունքի իրացման փուլում անձին ազատության մեջ պահելու համար:

ՀՀ հակակոռուպցիոն դատարանը մերժեց Արաբկիր թաղապետարանի ենթադրյալ չարաշահումների գործով անցնող, ծանր հանցագործության մեջ մեղադրվող (առանձնապես խոշոր չափերի խարդախության) մեր վստահորդ Հ.Գ.-ի նկատմամբ կալանքը որպես խափանման միջոց կիրառելու վերաբերյալ քննիչի կողմից ներկայացված միջնորդությունը:

2024 թվականի հուլիս ամսին մեզ էր դիմել մեղադրյալ Ա.Հ.-ն իր դեմ քննվող քրեական գործի շրջանակներում իր շահերի պաշտպանությունը ստանձնելու համար։

ՀՀ հակակոռուպցիոն կոմիտեում նախաձեռնված քրեական վարույթով մեր գրասենյակի փաստաբան Անդրանիկ Մնացականյանի վստահորդ Բ.Բ.-ին 2024 թվականի հոկտեմբերի 11-ին մեղադրանք է ներկայացվել 3 դրվագ ՀՀ քրեական օրենսգրքի 435-րդ հոդվածի 2-րդ մասի 3-րդ կետով նախատեսված ծանր, ինչպես նաև ՀՀ քրեական օրենսգրքի 447-րդ հոդվածի 1-ին մասով նախատեսված միջին ծանրության հանցագործությունների, այն է՝ պաշտոնատար անձի կողմից հովանավորչության համար կաշառք ստանալու և պաշտոնատար անձի կողմից շենքի կամ շինության ինքնակամ կառուցումը կասեցնելու միջոց չձեռնարկելու համար:

Մեր վստահորդ Ի.Մ.-ի նկատմամբ մեղադրանք էր առաջադրվել 2003 թվականի ապրիլի 18-ին ընդունված ՀՀ քրեական օրենսգրքի 190-րդ հոդվածի 3-րդ մասի և 266-րդ հոդվածի 3-րդ մասի 2-րդ կետի հատկանիշներով՝ երկու դրվագներով: Առաջադրված մեղադրանքները ձևական փոխելուց հետո վարույթն իրականացնող մարմինը կրկին կալանավորման ակնհայտ անհիմն միջնորդություն էր ներկայացրել:

2024 թվականի հոկտեմբերի 7-ին Երևան քաղաքի առաջին ատյանի ընդհանուր իրավասության քրեական դատարանը մերժեց մեր վստահորդ Շ.Կ.-ի նկատմամբ քննիչի կողմից ներկայացված կալանավորման ժամկետը երկարաձգելու վերաբերյալ միջնորդությունը, ով մեղադրվում էր կեղծ փաստաթղթերով ՀՀ սահմանը հատելու մեջ: